لذيذ جدا , طريقة عمل حلى سهل بالبسكويت
ساعات كتير بتبقى ست البيت عايزة تعمل حاجة
حلوة بس تكون سريعة و متاخدش منها وقت و لا
جهد و هنا مش قدامها غير حلى البسكويت و هو
اساسه قائم على بسكوت الشاى المربع اللى بنجيبه
من السوبر ماركت اول حاجة نجيب ٢ كيس كريم شانتيه
و نعملهم و نحطهم فى التلاجة تسقع شوية و بعد كده
هجيب صنية بيركس و اجيب بواكى بسكوت و ارص طبقة
بسكوت فى الصنية و احط عليها طبقة كريم شانتيه و
احط طبقة بسكوت تانية و هكذا لحد ما تخلص و اخلى
اخر طبقة كريم شانتيه و فوق الوش ممكن احط مانجة
قطع صغيرة او ابشر شيكولاتة او احط رشة مكسرات او
رشة جوز هند و بكده يبقى عملتى حاجة حلوة فى اقل
من ربع ساعة و هتبقى فى منتهى الجمال بجد و مفهاش
اى تعب خالص و طبعا ممكن تلحقنا لو جه اى ضيف على غفلة
