خارج عن النظام , معنى زنديق
الزنديق او الزندقة دى كلمة كان بيقولها زمان المسلمين
على من ينادى بحاجة غريبة عن تعاليم الدين الاسلامى
يعنى مثلا من يعبد الاصنام و من يهتم بالدجل و الشعوذة
و طبعا كل دى حاجات خارجة عن تعاليم الدين الاسلامى
فبنقول على فلان ده زنديق يعنى خرج عن الدين و دلوقتى
بقت زنديق دى كلمة او مصطلح بتتقال لاى حد خرج عن
نظام معين ده حتى بقى الناس يهزروا بالكلمة دى عادى
يعنى مثلا لو مجموعة من الشباب الملتزمة اللى ملهاش
فى الغلط و فى واخد منهم شذ عنهم بيقولوا عنه زنديق
او لو مثلا مجموعة من الرجال متزوجين و فى منهم واحد لسة
مش متجوز بيتقال عليه زنديق يعنى خارج عن نظام الجماعة
فبعد ما كانت كلمة بتصف للخروج عن الدين بقت كلمة تصف
الخروج على اى نظام مهما كان النظام ده ايه دينى او غيره
