احلى قاعدة و الله , جلسات نسائية
الجلسات النسائية المقصود بها الجلسات الخاصة
بالسيدات فقط يعنى مجموعة من السيدات بيقعدوا
مع بعض و يتكلموا مع بعض متهياليش مفيش ست
مش بتحب الجلسات اللى من النوع دى فمهما قعدنا
مع اولادنا او ازواجنا برده مش هتعوض قاعدة واحدة من
قاعدة اخوات مع بعصهم او قاعدة صحبات مع بعضهم
كل واحد تحكى اللى عندها و اللى باقى يواسيهم و
كل واحدة تشوف المشكلة اللى عن غيرها تهون عليها
مشكلتها و تحس انها حاجة بسيطة بيهونوا على بعض و
بيساعدوا بعض بينصحوا بعض و يفضفضوا مع بعض فحاولى
لو عندك اخت او اكثر خلى كل اسبوع ليكى قاعدة معاهم
حتى لو ساعة هتفرق فى النفسية جدا و لو معندكيش
اخوات من الممكن الصحبات يجتمعوا كل اسبوع فى بيت
واحدة منهم بدون الاولاد و بدون الازواج مش قادرة اقولك اد
ايه بيفرق فى النفسية و بتحسى ان نشاطك بيجدد
