من أجمل أبوذيات العراقية لكبار الشعراء وإليكم في هذا المقال أجملها
وليت اغم وكتي علي .. ولاج
وصرت لكمة بحللك شمات .. وانلاج
بعض مرات صح انضنك .. ولاج
بس انخي علي تفرج علية
يلبهمك ملابس .. لابستني
وثوب الحزن بيدك .. لابستني
رحت لا صالحتني .. لا بستني
ولا كتلي جذب حقك علية
العمر ماي وتبدة كلف .. لمّة
وعلي نكبات هجرت صفت .. لمة
كلتلة شوكت تفرح كال .. لما
اشوف جنازتك تمرك علية
تسودن دهري وعضني .. برحّاه
واصيح احاه خلاني .. برة احاه
عضتة ما كفت حطني .. براحاه
حنت راحتة وما حن علية
اريد الزم خديدك .. واشتمنة
واريد انعل ابيك .. واشتمنة
تدري شراد كلبي وشتمنة
على صدرك اموت وهاي هية
اطلبة وأجة وفّاني .. سواه دين
شدهني وصارت براسي .. سوادين
يحقلي احزن عليك البس .. سوادين
الوجه والثوب اصبغهن سوية
انة الما يوم خلّة وياك .. خليت
شجاك وبالظهر سجين .. خليت
شعندي وشبعد يا ترف .. خليت
صفة حتة البدي هم موش الية
اوعي بالضماير ردت .. يوعان
طحت ما شفت واحد كام .. يو عان
بدي وكلت اخوي الجان .. يوعان
مسح حلكة بقميصي وعض ادية
ساعة الوكت مشراكة .. سعافاي
وعلي بجفاك ما تلحك .. سعافاي
جنت نخلة ويفيي الهم .. سعافاي
وعلى كرصة خبز جيموا بية
ارضعتني الدنية همهة .. من اهدهة
طحت والطيحة طيحة .. من اهدهة
والله بصدري حسرة .. من اهدهة
ابجّي المن صخر كلبة علية
البشر معدن تعرفة بيوم .. ينحاك
يوم التوكع ومكسور .. ينحاك
علي خيط المصايب كام .. ينحاك
والتكتلك اخوي الحاكة الية
ابوذية ستار اللامي
